ZO THLANGTLAK RUN

Chanchin Thar

FINAL THLANGTLA TURTE

Posted by Christian Thingler Sava on July 15, 2011 at 4:23 AM

Malaysia ram atanga Mizo thlangtla mekte zingah a hnuaia mite hi tun hnaia kal chhuak tur, thlangtlakna ram pan turte an ni.

(1) Pi Seni te chhungkua.Pi Seni hi MCWF EC member a ni.Ni 18/7/2011 Mondayah an chhuak ang. A pasal leh an fanu te nen an chhungkuain thlang an tla ang.

(2) Nl. Maii. kal chhuahni: 18/7/2011.  Thlangtlakna hmun tur chu Buffalo City, New York State, USA. Ani hi MCF Music sub-committee member leh MCWF EC member a ni a. MCF Zaipawl huaihawttu ber zinga mi a ni bawk. Pathian biak inkhawma zai hruaitu a ni. A kal hnai tawh bawk a. Buffalo City- Mizo kohhrana hman tur zaipawl hla leh hla dang dang a fawm khawm a. A fakawm hle.

(3) Nl. Sangpuii, Ani hian MCWF Secretary mawhphurhna chelh mektu a ni. Kal chhuahni: 21/7/2011. Thlangtlakna hmun: Buffalo City, New York State, USA.

Nl. Maii leh Nl. Sangpuii te hian ni 15/7/2011 hian quarterah an rawngbawlpuite sawmin inthlahna an buatsaih dawn a. Tlai dar 7:00-ah MCF Chairman Pu Hualsailova'n hunserh inkhawm a hruai ang a. MCF Pastor-in Pathian thuchah a sawi ang.

Rev. Lalthuamluaia te Buffalo-a Mizo Christian Churchin Pathian malsawmna an dawng nasa a. Tun lai hian kohhran member an pung nual tih report dawn a ni. Pastor nu, Pi Sangzuali'n zaipui tur thian a nei thar leh dawn. Nl. Sangpuii pawh a solo tih kan hre ngai lo naa, mipui hriat tham chuan Pathian a chawimawi ngam tlat tho. Buffalo-a MCC an lawm laiin, Malaysiaa MCF ten a kal chhuak tura te kan lawmpui rualin kan ui em em a ni. A chhan chu ani pahtum hi kohhrana thiltih leh tawngtai inkhawm pelh ngai lo, kan hruaitu tha tak tak a nih vang a ni e.

Mahse, thlangtla zel tur kan ni miau si a. Lo zuk thlangtla hmasa u la.

An thlangtlakna hmun tluang taka an thlen theih nan i tawngtaisak ang u.

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

Already a member? Sign In

0 Comments

Recent Prayer Requests

  • Kohhran Kum thar inthlanna

    Tamu Methodist kohhran chuan ni 5 Jan chhunah Kohhran dan dinglai No. 43(e) (ii): Full member zawng zawngin Stewards mi 8, Leaders mi 10 leh Kohhran aiawhte mi 10 nominate-in th...
  • Damlo Tv. Chhandingliana tan

    Tamu Methodist kohhran thalai, Tv. Chhandingliana chuan ni 23 Dec, 2013 zan khan nasa takin accident a tawk a, Imphal damdawi inah zai a ni a. Pathianin min la chelhsak avangin ...