ZO THLANGTLAK RUN

Chanchin Thar

JB Bialfang

Posted by Christian Thingler Sava on July 24, 2011 at 2:49 PM

Ni 23/7/2011 chawhnu her dar 2:00-ah MCF Pastor, Pu Saia (MCF Chairman), Pu Khalha (MCF Treasurer 2) leh Pi Biakmawii (MCWF President) te chu JB bialfang turin an chhuak a.  Dar 3:11 pmah Bus station atangin a expressin an chhuak a. Tlai dar 7:00 pmah JB MCF secretary Pu Lalthankima leh Pi Marengite inah an thleng. Veng tharah in thar an lo luah hlimhlawl a ni a. In nuam tak a ni. Pi Marengi leh a mo Mary-i te buatsaih zanirh tui tak ei a. Zanah chhung inkhawm hlim takin kan hmang.

Atuk tukthuan ei kham chhun dar 12:00 pmah Taxi pali hire-in JB leh Singapore inrina tuifinriat kamah kan va leng a. Pu Khala'n video record a buatsaih a. Tichuan Biak in lam kan pan a. Chhun dar 2:30 ah Pathian biak inkhawm kan tan. Mi 28 lai kan kalkhawm thei a. A hlimawm khawp mai. Pu Khalha leh nupa leh Pu Sangte'n an veizawng hun rei lote chhung theuh an sawi a. Lalpa Zanriah sacrament Pastor-in a buatsaih a, Pathian thuchah a sawi bawk.

JB MCF-te hi an lawina kohhran JB Baptish Church hian Mizo Holy Bible bu 20 lai a chhahchhuahsak a. Biak inah an dah a. Pathian biak inkhawm apiang hian Pathian thu bung hnih an chhiar ziah thin. Hruaitu in chang khat a chhiar a, mipuiin chang hnihna, chutiang zelin kan chhiar, Sam atanga an tan kha tunah Thufingte bung 23, 24 kan chhiar thleng tawh a ni. Tin, Pahtian thu han chhiar hian kan lo keu ve theuh thei zel hi a lawmawmna pakhat a tling bawk.

Solo mi pahnih hnen atangin kan ngaihthla a. An hla sak a nungin an thiam hle.  Inkhawm banah theitui ina inpawlho a ni a, group thla kan la bawk.

Inkhawma rawn kal chhuak thei lo member pahnih an rawn tel thei hlauh mai a. Kan lawm lehzual. KL lama hruaitute chu tlai 6:300 express-in KL an hanwg a. dar 12:30 am-ah KL an thleng.

JB MCF hruaitu leh member zawng zawngten Pathianni apiangin Pathian biak inkhawm an neih chhunzawm zel theih nan i tawngtaisak zel ang u.

Pathian zara kan dam chuan Pu Khalha te chhungkua hi Aug. ni 25-ah USA pan tur an ni tawh a. Tun bum JB Bialfan hi an fan hmasak ber leh hnuhnung ber a ni dawn a ni.


Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

Already a member? Sign In

0 Comments

Recent Prayer Requests

  • Kohhran Kum thar inthlanna

    Tamu Methodist kohhran chuan ni 5 Jan chhunah Kohhran dan dinglai No. 43(e) (ii): Full member zawng zawngin Stewards mi 8, Leaders mi 10 leh Kohhran aiawhte mi 10 nominate-in th...
  • Damlo Tv. Chhandingliana tan

    Tamu Methodist kohhran thalai, Tv. Chhandingliana chuan ni 23 Dec, 2013 zan khan nasa takin accident a tawk a, Imphal damdawi inah zai a ni a. Pathianin min la chelhsak avangin ...