ZO THLANGTLAK RUN

HUN HNUHNUNG CHHINCHHIAHNA (sermon outline)

 

CHHINCHHIAHNA (Signs)

Zirtirte zawhna:                                                                                              3/4/2011KLBC

(1) Isua lo kal leh hu

 (2) Khawvel tawphun (Matt.24:1-ff)

1.      ZAWLNEI DER/KRISTA DER (Mat. 24:5,11),

David Koresh, Jim Jones. Russia, Korean

2.      INDO/INDO THU THANG ( 24:6)

·         Media avangin khawvela indo chanchin kan thre thei.

·         Hnam leh hnam. Ram leh ram an indo ang.

·         USA vs Sadam, Chistian vs. Muslim,

·         Mi an thi teuh, ralthuam an siam teuh.

·         Middle East, Libya buaina, N & S Korea, etc...

3.      TAM A TLA ANG (24:7)

Africa rama leilette chu Being chin nan an hmang, Khawvelah tam mi 5 billions an awm.

4.      LIRNGHING (24:7)

·         1890-1900 inkarah Lirnghing rapthlak tum khat chauh thleng

·         2006 Indonesian Tsunami

·         2008 Nargis Yangon

·         2011 ChristChurch, New Zealand, Japan, Myanmar

5.      HARSATNA (24:8-9)

Xtiante tihduhdahna. A zual zel.

6.      KHAWVELAH CHANCHIN THA PUAN (24:14)

Felevison, radio, bible translation, missionaries... fulfilled

7.      PATHIAN NGAIHSAK LOHNA A PUNG (2 Tim. 3:1-5,7)

·         Media avangin, corruption, murder,

(1)   Mahni inhmangiahtu)

(2)   Tangka ngainatu

(3)   Intivei

(4)   Chapo

(5)   Pathian sawichhetu

(6)   Nu leh pathu awih lo\lawm nachang hre lo\thianghlim lo

(7)   Hmangiahna pianpui nei lo

(8)   Huaikhawmbawlo

(9)   Hektu

(10)           Insum thei lo

(11)           Mi kawlhsen

(12)           Tha duhhau lo

(13)           Vervek

(14)           Thuhnudawn lo

(15)           Inngaihlu

(16)           Pathian hmangaih aia mahni lawmna mai hmangaih zawktu te an ni.

(17)            

8.      RINNA PHATSANTU AN PUNG (2 Tim. 4:1-3)

·         Zirtirna dik an ngaih peih loh hun a la thleng ang (v.3)

·         Thu tak lama beng chhungawng

·         Kohhran = sum dawnna khur,

·         Homosexuality, adultery, living together

Conclusion:  

Khawvel tawp hun chhinchhiahna hun hi a thleng thuai thuai thin a;

 

                                                 NUTE NI SERMON

 

Lalpa tihtu hmeichhiate dinhmun leh fanaute chunga

nute mawhphurHna

Thuf 31:30,22:6,Exo. 1:15-22; 2:1-25; Lk. 1:46-48

By Dengthangi Khobung

Introduction

(a)Mother’s day chungchang

Mother’s day-Anna Jarvis’s a rawn puitlin hnu khan,a nu thih hnuah,indona avangin darhsarh tawh community te leh kohhrante inpumkhat lehnaa a nu tawngtaina nen nasa taka nute tana hriat reng tlak nute ni tana, a lo tan lakna te,a rilruah cham reng a,a nu thih takah chuan a nu hriat rengna leh chawimawina mother’s day hmang thei turin a bei tan a. Tichuan, May12,1908,local atangin an hmang tan a,philidelphia ahte a rawn darh zau a,chuan 1910 ah chuan, Mother’s day hi State 45-ah an hmang tan ta a ni. May 8,1914-ah chuan, president Wilson-an a lo  pawmpui ta a, May chawlkar hnihna chu Nute ni atan official takin hman tan a lo ni ta. America rama nu zawng zawng zahna, an hmangaihnal eh chawimawina lantir nan he ni hi an puang a ni.

A hma chuan Pi Julia ward Howe hian nasa takin a lo bei tawh a, Civil indona vanga nuten an fate chan a, lungngai aawmte kha international mother’s day  hmang thei turchuan a bei nasa a ni,1870 ah chuan first North of America-ah mother’sday puang turin an rilruah an ngaihtuah a.Tichuan 1873 chuan, women group-in North America khawpui 18-ah chuan a new mother Holiday an hmang tan ta, Pi Julia ward hian he mi movement a nute kai harh leh tur hian thu leh hla hi a ziak hnem em em mai a ni,chu mi hnuah Anna Javis nu Reeves Jarvis chuan a chhunzawm a, chu mi zawhah a fanu hian a rawn tipuitling leh ta a ni.

-Kei pawh ka nu chungchang tawite- ka nu vangin Pathian rawngbawl thei dinhmunah ka awm-ka nu thawhrimna leh min hmangaihna leh min duhsakna avang a ni ka ti lo thei lo. Ka naupan lai atangin kut thiam te, thil zawrh dan, sumzawn dan chi hrang min zirtir a, “e...i misa lo a nih hi, nang chu Pathian rawngbawl tur i ni min ti a, Pathian thu zir hi ka chak em em a, bible zirna lamah min hruai a, ka nu hian ka zir theihna tur nasa takin retheih a tuar a.

Ka lo zir sang zel a, zirna a hautak tawh si, chutih lai tak chuan ka nu tawngtai Pathianin a chhang. Ka pu L.keivoma Zoram khawvel ziaktu khan Yangona a awm laiin, ka nu a ko hlauh mai a, “Burma rama ka farnu neih chhun lo zin rawh, Italy ka pem tawh dawn si, i duh duh ka tihsak ang che” a ti a, ka nu chu a zuk  kal vat a, engnge i duh sawi rawh tia a zawhna chu an beisei lo ang deuh chuan a chhang ta a, “ka fanu India ramah bible zirin a awm a, min chawmsak rawh” a ti mai. “Thil dang engnge i duh” a ti a, “engmah ka duh lo,  hei chauh hi a ni mai” tiin a chhang a. Tichuan ka pu Zakhuma prebyterian upa Yg-a mi kha, a ko leh a, cheng thawn turin a ti a, kan ram atangin a rem thei ta lo va, Italy atangin min rawh thawn thei ta a.

Kei pawh rinngamnain India ram hla zawk pan ka nih avangin ka nu hian kal phawt mai rawh min ti tichuan hun rei tawk tak mai chu harsatna ka tawk ve a, school lam pawhin kal chhunzawm tawh lo turin lehkha meuhva hriattir ka ni a, mahse kan Pathian biak hi a tlai ngai lo a ni.

Chuvangin vawiin ni he thupui ka rawn tlan chhan pawh,in chhungkuaah nute kan pawimawh em avangin, nute hian eng cheng nge kan fate enkawlnaah inbuaitsaitna kan neih a?

(b)Fanau enkawl chungchanga kan inbuatsaih dante a tha tawk em?

(c)Taksa lam leh thlarua lamah eng cheng nge, kan inbuaitsaih tawh le? Kan in buaisaih ngai em?  A bik takin thlarauah lamah?

I.                   Lalpa tihtu hmeichhiate dinhmun

(a) Pathian tih awmzia chu engnge?

Heb-tawng ah chuan-Yir emotional reaction,deeply respect, to have respect. To be afraid. Miin Pathian a tih chuan – a nunah  a lang mai-a nunah Pathian tih nun ,nihna a lang a,thianghlimna nun a lang. Pathian tih mi nun chu-vawi khat Pathian nen an intawn tawh chuan a nunah hian Pathian tihna a nei. Tirhkoh Paul leh Josepha ten an nun an inthlak vek, thianghlimna nun an nei, Lalpa hmaah thil an tisual ngam lo. Pathian tih awmzia chu A thupek zawm hi a ni; mahni duh dan anga nung lovin,a duh dana nun hi a ni mai. Chanchin Thaah khan Lal Isuan tupawh min hmangaih tawh phawt chuan ka thupek an zawm thin a ti. Thufing 1:7-Lalpa tih chu finna bul a ni, Lalpa kan tih a, a thu anga kan awm chuan mi fing mi fel kan ni ang.

(b)Bible-a hmeichhe Pathian tihtute dinhmun han tlir lawk ila

Lk 1:46-Mari Isua nu- Pathianin a thil tum tihlawhtling turin Mari hi a thlang a, a hmang a ni. Engvang nge mi dang hmeichia an tam teh lul nen a hman tlat? A thu pek a zawm a, amah leh amah a inphah hniam a,a inngaitlawm a, a nunin Lalpa a chawimawi a,a chhandamtu chungah pawh a lawm. Nulat laia hmingthatna leh hmingmawina leh ropuina tur zawng  zawng kalsanin Pathian tan a inpumpek tawp. Lalpa thil tum hlen tur chuan,a nun a pe a, mite endawng leh sawichiatna kha a ngai pawimawh lo.

Chuvangin Mari fakna hlaah hian a nunin Lalpa chawimawi a, nakina thangtharten nihlawh an la ti ang a tih kha, tun thleng hian Mari hming chu a dai ngai tawh lo tih kan hmu thei. Amah avangin mi zawng zawng tan chhandamna kawng a lo inhawng a. He chhandamna huangchhungah hian, Pualan a sawi angin Lalpaah chuan inang khat vek kan ni, mipa leh hmeichhia, Gentle leh Juda mi kan awm lo. Lal Isua min chhandamnaah hian, thlarau chhandamna chauh a ni lo, hmuhsit leh rahbehna te, inthliar hranna lak ata te,inthlauhthlakna lak ata min chhuahtir tawh a ni. Chhandamna chu sual laka zalenna a ni si a.

chuvangin kan mi thiamten Mari hi nu ropui, zalenna petu a ni an ti. Mari nunah hian nute hian entawn tur tam tak kan nei, he nun nei tur chuan Pathian kan hriat chian a, kan tih a ngai a ni. He nun kan neih loh chuan fanau rila rah malsawmna min pek hi Lalpa duh zawngin kan enkawl thei lo vang. Exo. 1:15-22-Nau chhar thiam pahnihte -Saphraii leh Puaii ten- Pathian an tih avangin Lal thu pek zawm lovin Pathian thu pek zawmin Hebrai mipa fa an chhanhim, Lalpa thil tum tihhlawhtlin nan a ni. An nun an chan ngamin diknaah an ding a, rinawm takin an ding Lalpa tan khawvel lal, sual thim lal an do ngam a ni. Pathian nung chu an ringtlat.

Pathian an hmangaih a,an tih bawk a, rinawm takin an awm, Lalpa hmaah thil an tisual duh lo. Hei hi kan tih ve tur a ni, kan fanaute kan enkawlnaah dikna hi kan kengkawh tur a ni, tichuan kan faten dikna an rawn ngaina chho mai ang. Kan in chhungkhurah leh kan mimal nunah sual thuneihna hi kan ngam tur a ni.

Exo. 2 Mosia pianthu: Israelte chhanchhuahna tura Mosia farnu leh a nu te inpekna  A farnu-Miriami pawh Pathian hmanrua tha tak a nih thu kan hmu thei. Lalpa tan mi huaisen leh mi ropui an ni. Pathian thu angin an awm a,an rin tlat avangin Lalpa tan hmanraw tha tak an ni.

II.Naupang enkawl dan chungchangah nuten hmawhphurhna lian tak kan nei.

(a)Thuf 22:5-engtik hunah nge ka fate hi kan zirtir ang le?

Deut 6:4-5-Isrealte hnenah Pathian thupek-nu leh pate hnenah thupek a ni a. Isrealte hun lai atangin Lalpan a thupekte zirtir turin Israelte thu a lo pe tawh a, zirna school hmasa ber chu chhungkua hi a ni a. Zirtirtu hmasa ber chu a nu a ni- Naupang an tawng theih hma atangin zirtir hna hi a tan nghal a. Kan mi thiamte sawi danin Judaho chuan nu hnute leh Pathian thupek dan hi an chawhpawl a an zirtir thin, an ti, in lam hna leh pawmlam community-a an tel hma hauhvin in chhungkhurah thlarau lam, nungchang lamah Pathian dan, Sabah serh thu leh zawlnei thute an zirtir thin a.

Entirnan: Mosia nu khan a fapa Mosia an enkawl lai khan Pathian dan leh thlarau lam thu nasa takin a zirtir tih kan hmu thei. Pathian thu lamah nasa takin a zirtir lo chu ni se chuan Mosia kha a lo puitlin khan, Pharoa fanu hnena a awm khan a rinna a hloh mai thei, nghet taka a din theihna chhan kha engvang nge tih chuan a nu’n hnute tuia a chawm lai atang tawh khan Pathian thupek angin Pathian thu chu nasa takin a zirtir tihna a ni. Khawvel ropuina leh thiamna zawng zawng a zir theihna, neih theihna hmun Aigupta lal ropui ber ina a awm laiin, chung zawng zawng chu a kal chhuahsan thei, engvang nge? A biak, Pathian nung chu a hria, dik lohna a duh lo, dik lohna ngaina mi leh mahni nawmna zawng mi ni se, a chhuahsan phal hauh lo ang. Mahse a nuin a tet lai atanga Pathian nung leh engkim tithei leh a dan thute khauh takin a hun takah a lo zirtir vang a ni. A kalna awm tur kawng dik taka a lo zirtir vang a ni.

2 Timothea 1:5- rina tak tak nangmaha awm chu ka hre reng si a, chu rinna chu atirin I Pi Loisi-ah chuan a awm a, I nu- Euniki  ah chuan a awm bawk a, nangmahah pawh a awm tih dik takin ka hria. Timothea nun atang pawh hian, Isreal nute hian Pathian thupek hi an zawm a, a fate nasa takin an zirtir a ni tih kan hmu thei. A naupan lai atanga an lo zirtir avangin a nunah nget takin a vawng a, a pawm reng a, a rawn puitlin meuh chuan Pathian mi, rawngbawltu ropui tak a nihzia kan hmu thei.

Hei hi thlarau lama nute kan mawhphurhnate a ni lawm ni?

(b) Khawvela mi hmingthang thlarau mite nun atangin han en  ila:

 khawvel thlak danglam thei an tih, Pi Susana Wesley-i hi Methodist khohran tan Nuber nih a tling hle. A fate a enkawl danah mi strict tak dan khauh tak vawng thintu a nia, a fate enkawlnaah dan 16 a siam a ni. A thih dawna a thuchah-ka fate u ka thih hunah Pathian faknaghla lo sa rawh u, tichuan chanchin tha atang hian tih tur pahnih in nei, a pakhatna ring rawh u, a pahnihnaah chuan nun pui rawh u, tiin a chah. A tawngtainaah chuan-Lalpa i hnenah awm reng ka duh a ti.Lalpa, sual ka do zawh nan eng tik lai pawhin i hnenah tawngtai thei turin min pui ang che, tichuan tih tur min phutte hi ka tihpuitlin theih nan a tawngtai a. Pathian tih mi tak leh mi inphah hniam tak a ni. Pathian aiin thil dang engmah a dah lal lo, Pathian ropuina atan chauh thil a ti thin. A thupui ber chu soul winning a ni. Thlarau bo chhanchuah-Thlarau bo chhanchhuah hna chu khawi atangin nge a intan? In chhuangkurah a ni. A fate hi Pathianah chhandam na an nei lo ang tih hi a hlauh ber a ni, Setana hneh hi a thupui ber a ni bawk.

Kan Pathian thuah pawh kan hmu a, Tirhkohte 1:8-Thlarau Thianghlim chu in chunga a lo thlen hunah thiltihtheihna in la nei ang. Tichuan Jerusalem(family)te, Judai leh Samari ram (khohran  leh tualchungah te,kawlkil thleng pawhin ka thuhretu in ni ang. Chuvangin he chhandamna thu hi chhungkuaah kan tan phawt  a ngai. Lalpan Isreal chhungkuate hnena anmahni’n Pathian thu zawm hmasa phawt a, an thlah chhawng zel tlenga zirtir tura a tih angin, keini pawh min phut a ni. Chu mi ti ve thei tur nute hian mawhphurhna kan neih rualin, Pathian thu pek zawmtu leh Pathian tih mi nih a ngai a,a nuna nunpui tur a ni.eg.he ta Pathian thua kan hmuh ang leh  Pi Susana-i te angin.

Evangelist ropui D.L.Moody-a kan en chuan, Engvangin nge Pathian thuhriltu ropui a ni theih?. A nu vang a ni. A nu hi Pathian mi, tawngtai peih tak, leh zirtirna lamah pawh discipline khauh tak vawngtu a ni a. Pu D.L. Moody chuan engtin nge a nu hi a chawimawi a, a fak tih chuan-he khawvela nu zawng zawng hi ka nu ang ni se chuan jail(lungin) a tangkai lo ang. Kan mamawh lo ang a ti. A nu hi tawngtai mi a ni a, a nu hnenah engtik lai pawha malsawmna dil thin.ka nu hi mifing tak a ni a,fanau enkawlnaah chuan Solomon ai pawhin a fing ang a ti hial a ni. Fa 9 a nei a,an thinlung a hneh a, an hmangaihna a lamah a hip vek the.Engkim a tih pui thei, couseling ka tul apiangin ka nu hnenah ka kal thin, khawvelah hian nu fel tam tak awm se, ka nu danglamna pakhat chu a fate hi a lama a hip vek theihna hi a ni, a ti. Chutianga fate chawimawitlak leh Pathian tih mi tak, Pathian duh dana fanaute enkawl theitu nu kan nih a ngai.

II.                  Thlarau lama fanaute enkawl thei tur chuan-Nute hi kan pawimawh.

Pathian hre mi leh tih mi nih a ngai. A thupekte zawmtu nih a ngai. Pathian kan hriat hmasak a kan rin hmasak loh chuan kan mawhphurhna hi kan hlen thei lo vang. Heng mite ang a, ni thei tur hian nute i inbuatsaih theuh ang u Pathian tih tura min beiseinaah leh mawhphurhna min pekte hi hlen i tum theuh ang u,tiin kan insawm duh a ni. Nun zirnaah hian an seilenna khawvel-chhungkua hi an nun siamthatna foundation a ni. Ka nun hi a pawimawh bawk- kan chetzia kan tawngkamte, Pathian thu nen a inmil a ngai kan fate tih atana kan duh loh chu keini pawn kan tih loh a ngai, mahse kan ti fo thin, kan fate hian kan nunah Pathian an hmuh a ngai. Pathian atanga lo chhuak hmangaihna te,dawhtheihna, thlamuanna te nen Thlaraua rah hi an hmuh a ngai, Tisa rah ni lovin. An seilenna chhungkua a that leh that loh angin an tha-in an sual thin, ni tina an thil tawn leh hmuh atang hian nun tha leh tha lo an zir thin.

 

(2011 MCF, Malaysia Nute ni-a thusawi a ni)

 

THALAITE LEH SAWIHONA (Youth and Discussion)

 

YOUTH AND DISCUSSION

Thalaite

  1. Thalai kum chu a tlangpuiin kum 14-35 inkar
  2. Taksa leh rilru chak lai hun a ni.
  3. Thalaite hian an thil tawn hi ngaihtuah chiang lem lova thutlukna (decision) siam thuai thuai an hmanhmaw fo thin.
  4. Chhungkua leh ram changkanna hmanraw pawimawh tak an nih rualin chhungkua leh ram tichhetu an ni thei bawk.
  5. Kohhran, khawtlang leh ram hruaitu ropui tak an ni thei

 Vanglai huna Siamtu Pathian hre chhuak lem lo, emaw a chang changa hre chhuak ve zauh zauh thalai rual an awm. Vanglai leh chaklai hun leh nunah Pathian hre reng turin thalaite nuna thil thleng, heng harsatna, lawman, hlimna leh buaina ze chi hrang hrangte hi fel taka kan tawnchilh thiam a pawimawh hle a ni.

 Sawiho a tul chhante

Sawihona hi mi pahnih leh a aia tam inkarah mimal tinin thu pawimawh ngaihtuahhona a ni a. Sawihona hian mimal, chhungkua, kohhran, khawtlang, leh ram nen inkungkaihin thil tum a neihte chu:

  1. Thil harsa leh buaina chinfel. (problem solving)
  2. Hmathlir (vision) leh project ruahmannaah thutlukna (decision) siam. (vision deciding)
  3. Hmasawnna tur kawng zawnga sawiho. (developement planing)
  4. ( belh tur a awm chuan belh ni sela)

 Sawihona hmun ruahman dan(place of discussion)

  1. Dawhkan hual vela thut( round table) hi kan inhmu thei vek a, a tha deuh ber. Group te tea inthen sawma sawiho a nih pawhin thut bial taih a tha ber. Eye contact a pawimawh vang a ni.
  2. A theih chuan mimal tin hma zawnah hming (name tag) dah ni se. Table mic pawh dah ni se.

 Sawiho dan kalhmang tlangpui

  1. Sawiho tur thupui (paper) emaw topic pakhat khat buatsaih a nih chuan sawiho tura thu khawmte hnenah sem ni se. He thuziak hi a a detailed outline-a buatsaih  emaw, power-point presentation emawa buatsaih ni se. Paper puitling (full length)-a ziak a nih pawhin a vaia chhiar chhuah kher tur a ni lo; a pawimawh lai, a thupui fun lai te kha keu thuak thuakin chhiar ni se a tha.
  2. Paper buatsaihtu hian sawihona a hruai nghal thei a. Mi dangin an hruai thei bawk. A theih chuan team zinga mi tuin emaw sawihona hi hruai sela. Thupui buatsaihtu chuan an zawhna, emaw hriatfiah loh emaw ngaithlatute atan zawhna lo kal apiang kha a tul ang azirin a chhang leh ang.
  3. Thu harsa, thu buai engemaw chin fel ngai a nih erawh chuan, sawihona hruaituin chu thu harsa chin fel ngai chu a rawn phawrh chhuak ang a. Problem a phawrh chhuak ang. Team member (discussion members)ten chu harsatna (buaina) thlentu cause (natna hrik) ni thei chu an sawiho ang a, an khaikhawm ang. Chutia natna, leh a hrik an hmuh chhuah tawh chuan, natna veitu, buaina leh harsatna neitu emaw tuartute enkawl dan (treatment pek dan tur) kawng tha bera an hmuh dan an thawh khawm leh ang a, solution/answer/damna an zam chhuak tur a ni.
  4. Kha sawihonaah khan buaina leh harsatna tawngtute ngei an tel a nih chuan, sawihona hruaitu kha thubuai neitute laichin zinga mi ni lo hram se a tha. Thleibik leh duhsak bik nei hauh lova sawiho tur a nih avangin, thubuai neitute ve ve-in an sawi a thiang a, an thusawi atangin an buaina hnuk/tobul man fuh tumin sawihonaa tel mi dangten an lo ngaihven tur a ni.

 Sawihotute rilru put dan tur

  1. Kan sawiho thupui/kan thuchai nena inkungkaihin thu fing leh thu pawmtlak tha tak tak thawh a, sawi chhuak turin kan inbuatsaih ang a, mahse kan thu thehchhuahte chu a dik ber a tha ber, paih tur awm lo anga ngaih tur a ni lo. Kan thu rawn pek leh thu thawh (idea) aia tha leh pawmtlak mi dangin an thawh thei a ni tih ngaihdan kan neih phawt a tul.
  2. Kan sawihona thupui/subject huam chhungah chauh zel sawiho tur a ni ang a, thu kan sawi hian a tawi-kimchanga thupui fun, thu hlawm khal nelh nawlh sawi kan tum ang. Sawihona thupui kotlang velah a subject mil lo thu sawi tlawr duah ringawt ai chuan mite thusawi ngaihthlatu nih chu kan sawihona leh mahni tan a tangkai zawk daih tih hriat mawlh a tha.
  3. Mite thusawi lai tihchattu nih loh hram a pawimawh bawk. Mi thusawi atangin idea thar diak kan ngaihtuah chhuak thut a nih pawhin, sawi chhuah thuai thuai chak ut utnain min tur mah se, mi thusawi chik taka ngaithla chungin chu ngaihdan thar chu paperah chhinchhiah ila, hun remchangah, mahni sawi hun a lo her chhuah leh hunah sawihona leader kaihhruainain kan sawi chauh tur a ni.
  4. Mahni rawtna emaw thu thehchhuah chauh mite ngaih pawimawh hlawh tura ngaih tur a ni bawk lo. Mite thusawi kan ngaihluin kan ngai pawimawh tur a ni.
  5. Kan thuchai/sawiho chu tum khatah emaw sawihona vawi khat neihah chin fel ngei ngei turin kan innawr hmanhmawh tur a ni lo. Kan thu buaipui azirin sawihona kan buatsaih zel tur a ni.
  6. Chutia sawihona atanga kan thu tihtluk/decision siam chu mimal tih ni lovin, sawihonaa tel zawng zawngte thu tlukna, kan zavaia pawmtlan thutlukna a nih avangin, thu thawh tam leh thawh hlawk fal deuh lo awm mah se, mimal thiltih a ni lo va, team discussion result a nih avangin mimal kan chhuang tur a ni lo. Team spirit/ huho rilru kan chawimawi tur a ni.

 Thu tlangkawmna (conclusion)

  1. Sawihotuten file neih theuh a, sawihonaa mite thu chheh chhuah apianga kha kan lo chhinchhiah zel ang a, thutlukna kan siam ngei pawh kan lo record tur a ni.
  2. Mi pahnih emaw pawl pahnih inkarah pawm tlan theih thutlukna kan siam tawh chuan chung mite tan inremna, inhriatthiam lehna neihtirna lam program kan buatsaih a ngai. (inchibai/inpawm (hugging)/inremna chawhlui kilho emaw, a hun mila tha leh remchang kan tih anga kalpui tur a ni.)
  3. Sawihona boruak zang tak, engthawl tak, hlimawm tak neih kan tum tur a ni.
  4. Hlim hmel pu deuh sengin kan indawr tur a ni.
  5. A sawihotute aiin kan sawiho thupui leh thupui chhunga tel mihringte hi an pawimawh ber fo tur a ni.                                                                                                                     

LALPA RINGTU LEH RINCHHANTU

 

Jeremia 17:5-8

(9th February 2014 Hmeichhiate Ni thupui by Rev. Gospel Hrilvelthanga, Tamu Circuit Superintendent)

Thupui sawitu tan:

Israel ram kha Chhim lalram leh Hmar lalram tiin a inthen a. Chhim lam ram chu Juda lalram tih a ni a, Hmar lam chu Israel ram tih a lo ni a. Chhim lalram khawpui chu Jerusalem a ni. Zawlnei Jeremia kha Chhim lam lal ramah Zawlnei hna thawk turin Pathianin a koh va. Tichuan Zawlnei Jeremia khan Juda lal pangate rorel hun paltlangin kum 41 (BC. 627-586) chhung Lalpa tan rinawm takin rawng a bawl a ni.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                           Zawlnei Jeremia rawngbawl lai hian Juda ram chuan an Pipute atanga an lo biak, Aigupta sal ata hruai chhuaktu Abrahma Pathian, Isaka Pathian leh Jakoba Pathian, lei leh van Siamtu chu phatsanin milim pathian an bia a. Tuipui sen pawh ke thiah ngata hruaikaitu Pathian rinchhan aiin sorkar tangrual chungah an innghat zawk a; an hmelma laka chhanchhuak thei tura an rin avangin Aigupta, Babylon leh ram sorkar dangte chu an thurualpui thin a ni ( 2 Lalte 24:1).

            Jeremia 17:5-a “mihring rinchhana” tiha “mihring” tih awmzia a Hebrai tawngin a fun tel chu, “ral beihna hmunah nu-nau aia chak zawk mipa” hi a ni a. “Mihring ban chakna” tih thu hlawma “mihring” tih erawh hi chuan “ tung-chhova kal mihring, mihring dinhmun pangngai” hi a kawk. Mizo tawnga “mihring ban” tia lehlin hian Hebrai thumal “basar” (Sap tawngin Flesh) awmzia hi a phawk fuh hle a, chu chuan “mihring ban (tisa ban) chakna” hi Engkimtithei Pathian laka a derdepzia leh a derthawnzia a tarlang a ni.

            Hetah hian a kaihhruaina ang chauhva ziak a ni a, thupui chhuizau leh sawifiahna hi thupui sawitu zalennaa dah a ni.

Then Khatn

MIHRING RINCHHANTUTE LEH AN DINHMUN

(Jeremia 17:5-6)

Thuhma:

Jeremia 17:5-8-ah hian mihring chi hnih “ mihring ban chakna rinchhantu leh Pathian chakna rinchhantu” te nihna leh an chan tur “anchhia leh malsawmna” chungchang fiah takin tarlan a ni a. Committee-in a thlan tak thupui “Lalpa ringtu leh rinchhantu” tih hi a fiah lehzual nan “mihring ban chakna ringtu leh rinchhantu” dinhmun Jeremia sawi hi pho chhuah hmasak a ngai a. Chuvangin, then khatnaah hian lei vaivut maia siam mihring tisa ban chakna rinchhantute dinhmun hlauhawmzia leh rapthlakzia hi Zawlnei Jeremia’n kawng hnihin a tar chhuak:

I.                    Pathian anchhe dawngtute chu tute nge ni?

He zawhna chhanna hi Jeremia 17:5-ah fiah takin ziak chhuah a ni a. Hei hi Zawlnei Jeremia irawm chhuaka sawi mai a ni lo, Pathianin a Zawlnei Jeremia kâ hmangin Juda mipuite hriatah a puang chhuak zawk a ni. Jeremia bung 17 chang 5 hi “Lalpa chuan heti hian a ti” tiin a intan a. Pathian anchhe dawngtlak nungte chu Amah Pathian bawkin a hria. Chu anchhe dawngtute anchhe dawn chhante chu:

(1). Mihring an rinchhan vang a ni.

Juda lalte khan an sa him nan thurualpui tur ram dang sorkar an zawng a. Aigupta lal leh Babylon lalte an bel a, sorkar tangrual pawl lian tak an din a. An hmelmate beih ngam loh leh khawih ngam loh dinhmun nghet neiah an inngai a, an induh a, an chapo va, ral beih thiam sipai tamna leh chakna chu an rinchhan a, tichuan thlaler ramah kum 40 chhung meuh chawma enkawltu, hnehna petu Pathian chu rinchhantlak a nihzia an hre chang tawh lo a ni. Kan kristian nunah pawh hian khawvel vir thli leng engemawin min rawn chhem chang hian belh tur kan zawng fo thin a. Kohhranin hmasawnna rahbi thar a lak dawn hian mihring rinchhantu chuan amah a inen a, a rawngbawlpui committee memberte a’n thlet leh a, tichuan kohhran mipui dinhmun a han chhut a, tlin thei dawnin a inhre ta lo va, a huphurhna rilru chuan a phetthlu ta thin a ni. Mihring rinchhantu chu a rinchhan mihring vekin a keuh tlu thin. Tin, chhungkua, kohhran leh khawtlang huapin hmeichhiate hian hruaitu hna an chelh theih lohna kawng siamtu chu, keimahni theuhva Pathian min pek theihna (ability) theihnghilha, mipate chauhvin theihna nei bika hriatna hi a ni duh hle. Kawng danga sawi chuan kan Pathian biak inkhawm hlimawm tak te, kan Biak In mawi leh building tha pui puite, kan kohhran project In leh Lo (leilet) te hi mihring rinchhantu chuan a uanpui thin. 

2. Mihring ban chakna an rinchhan vang a ni.

Mihring ban chakna rinchhantute chuan khawvela hlawhtlinnate hi mihring chakna leh finna chauhva thawh chhuahah an ngai tlangpui a. Mi hausa leh nei nungte an bel a. Sum leh nihna hmangin mi dang nunah huhang neih an tum a; thiltih nikhuaah an ngaihdan chauh tihlal an tum fo thin a. Kohhran leh khawtlangah nihna leh chanvo tha duh lo angin insawi thin mah se, chung nihna chan loh hlau hrim hrim chuan mihring ban chakna (vote) hmuh tumin a vir khu chuk thin a, tichuan chung nihna te chu lawmna thinlung nei lovin a chelh ve mai mai thin. Mihring ban chakna rinchhantu chuan mihring takin, mahse mahni inhre chhuak hauh si lovin rawng a bawl a, ama ngaiha kawng dik a tih chauh chu a zawh a, a thawhpuite ngaihdan ngaihhlutpuina a tlachham thin. Pawl leh kohhran lungrualna aiin mimal hlawkna leh hminglarna tur, a thurualpuite lungawina tur chauh a dah lal a. A lo duan lawk anga thil a kal loh hunah a vuivai hmel hmuh hrehawm khawpin a tlangthantir thin. A thiltih leh a thusawiah mahni leh mahni a inchawimawi nghal vat thin a, mi dangte inpekna erawh a thlir kân thin.

3. Lalpa hawisanna thinlung an neih vang a ni.

Israel faten Pathian chenchilhna leh kaihhruaina a taka an dawn nasatzia han thlir hian, Pathian an hawisan leh mai thei thin kha hriat thiam a har lem lo. Mihring duhna leh duhthlanna chu thinlung atanga lo chhuak a ni a, he thinlung hi Pathianin “thil zawng zawng aiin bum hmang ber, Chhe lailet der a ni”tiin min hrilh a. Siamtu Pathian hawisanin a thilsiam mihring ban chaknaa innghah luih nuam tihtlatna hi Lucifara zia, Pathian anga lal duhna ze hrisel lo tak a ni tih a lang chiang a. Chutia Lalpa hawisanna thinlung neitute dinhmun chu, Lal Isuan Farisaite chanchin a sawi, “ Heng mite hian an ka-in mi chawimawi a, an thinlung erawh chuan mi hlat si a,” a tih chiah kha a ni.

4. Mihring rinchhantute chan tur chu eng nge ni? ( Jer. 17:6)

Jeremia 17:6-ah hian mihring chakna rinchhantute chan tur rapthlak tak mai chu Pathianin a sawi chhuak leh a.

(1)   Thlaler ram rova hnimbuk ro rire ang an ni.

Khawvela Pathian kutchhuak thilsiam eng pawh hi Pathian hmangaihna puangtu tura ruat kan ni a. Mosia hnenah Pathian a inlanna hmasa ber kha hnimbuk zing atanga mei alhin a ni a. Mosian mak a tih taka chu kha hnimbuk kha mei alh kan ral  lohva a awm kha a ni. A va hnaih khan hmimbuk atangin Pathian aw a hre ta a ni. Amaherawhchu heta Jeremian mihring rinchhantu dinhmun chhiatzia a khaikhinna thlaler ram rova hminbuk erawh hi chu a danglam hle mai. Halral mai atan lo chuan tangkaina a nei hlawl lo tihna a ni.

(2)   Thlaler ram ro, chi leilung tuma luah lovah a cheng ang.

Pathianin mihringte mal a sawm hian lei hmun/ hmun leh ram a pe thin. Mihring hmasa ber nupa tuak kha Eden huanah a chentir a, Abrahama a koh khan ram pek a tiam a. Chung ram atang chuan khawvel tana malsawmna ni turin Pathianin a ruahman thin a ni. Mahse mihring rinchhantute chu tuma luah theih loh, eng thlai mah chin theih loh, chi leilungah chentir an ni ang a, mi dang tana malsawmna nih chu sawi loh, anmahni ngei pawh thlachhamin an boral mai dawn tihna a ni.

Tlangkawmna:

            Pathian thu chhuak hi thiltih theihnain a khat a. Pathianin mihringte min phut tlat chu Amah Pathian rinchhanna nun neih a, ni tin thlarau leh rinawmnain amah nena inpawl hi a ni. Lalpa Pathianin min kaihhruai tawhna lamtluang hi chhut nawn leh ila, mihring ropuina leh mihring mihrinna kan lo rinchhan avanga Pathian kan hawisan tawhna te avangin a hnenah thupha I chawi ang u.

 

 

 

 

Recent Prayer Requests

  • Kohhran Kum thar inthlanna

    Tamu Methodist kohhran chuan ni 5 Jan chhunah Kohhran dan dinglai No. 43(e) (ii): Full member zawng zawngin Stewards mi 8, Leaders mi 10 leh Kohhran aiawhte mi 10 nominate-in th...
  • Damlo Tv. Chhandingliana tan

    Tamu Methodist kohhran thalai, Tv. Chhandingliana chuan ni 23 Dec, 2013 zan khan nasa takin accident a tawk a, Imphal damdawi inah zai a ni a. Pathianin min la chelhsak avangin ...