ZO THLANGTLAK RUN

Baptism of  The Holy Spirit

Ka hmangaih,

Zanina kan Pathian thu zirah Thlarau Thianghlim thilpek chungchang kan zir a, Tumbukah pawh kan kan zir a, kan practice tawh a,
1989, Dimapur kiang Baptist convention pakhat kan va chhimnaa Thlarau thilpek chang tura ka inpek dan te, 1993 Bangalore-a Evangelist thupuan leh 1995-a kan nupa SBD-a Pathian Thlarau hnathawh kan chante hi tlem  azawng ka lo share tawh avangin, leh Spiritual profile test kan neihnaah ka result atangtein kan rawngbawltu hian keimaha awm Thlarau Thianghlim thilpek chu tinung/phawrh chhuak leh turin min cho nasa a, zanin ban dawn lama ataka Pathian Thlarau kan au-naah, Pastor Tlaungtea, speaker nen kan pathumin rawng kan bawl a, Mipui an ding a, kut phar chhuaka hum rulh takin, "tawng hriat loh-vin kan han tawngtai tan ta hlawm a, tumbuka kan tih lai kha chuan Pastor tluangtea tih dan kha min zuitir angin ka zui a, keimahah a tak takin a la rawn chhe chhuak lo deuh khan ka inhria a, ka boruak erawh engthawl leh zang huaiin awm mah ila.

Zaninah erawh chuan mite chungah kut nghatin kan tawngtaisak a, mak tak leh ropui takin tawngtai hriat loh chu ka ka atangin a rawn chhuak a, tawng hriat lohvin ka tawngtai a, ka sem a, mite chu ka pui ve thei ta mai a, Tichuan kan pathum chuan kan bei ta char char a, mipui zingah pawh tawngtai loh chang an awm a, a chang ve lohte pawhin mittui nen Pathian an fak ta chur chur bawk a, tichuan, speaker-in zai hruai turin mi ti a, Halleluiah chorus kan han sa a, ban phar chungin, Pathianin hna a thawk nasa hle mai a. Vawi tam tak kan sa a, keini kal kualin kan tawngtai zel a, thil mak tak mai chu, speaker khan ka kutah a dah ta tawp a, nangman hruai rawh mi ti a, tichuan 'tingtang chu dim taka tum chungin, Pathian min hmangaihzia leh hnehtu kan nihzia te, Thlarau Thianghlim min pek avanga lawmthu sawina thute chhamin, thu ka sawi a, ka zai pah pah bawk a. Tichuan, mak tak maiin Pathianin min pawl a, ka ka-ah Zion hla a rawn dah a, tingtang perh chungin, tawng hriat loh (Zion) hla chu sak nuam tak beat mil hian ka sa ta a, minute 2 chhung vel chu a nih ka ring, mipuiin chu mi mil chuan kut an lo beng bawk a, a mak a ni, a hlimawm a, tichuan Halleluiah chorus kan sa leh a, a tawp kan khar ta a.

Ka hmangaih, Pathian min pek boruak hi a va mak mang e aw! Daisy- i nu rawngbawltupui, Thlarau thupuan nei thin pa-in, ka ngen ni hauh lova, phone atanga min tawngtaisak lai khan, "Malaysiaa rawngbawl turin Pathianin kovin a ruat tawh che a, Thlarau Thianghlim hriak thih i mamawh" tih kha a puang a, Ka hre thiam nghal mai a, Thlarau thilpek tawng hriat loh leh Thlarauva pawl tharna mak tak dawng tur chuan rawngbawlna eng emaw kan neih a tul si a, Malaysiaah chuan chutiang hawi zanwga rawngbawlna lam hi engtin nge ni thei ang tiin ka ngaihtuah a.  Kan sawm vang ni hauh lovin, Pathianin Pastor John Park leh Pastor Tluangtea te MCF-ah rawngbawl turin a rawn tir tlat mai a,

Zanin inkhawm bana kan thingpui innaah kan speaker chuan Malaysiaah hian i tan Pathianin mi rawn tir a nih hi a ti hial a. "Thu ka hril a, ka zo ta der a, Pathianin nangmah hmangin mipui hnenah hna a rawn thawk ta a ni" a ti bawk. Pastor John leh Pastor Tluangtea te pahnih hi ka tan liau liauvin Lalpan a rawn tir tih min hmuh chhuahtir a, Lalpa leh an chungah ka lawm tak meuh a ni.

Kum 1995 SBD sikulah khan Pathian Thlarau pawlna mak tak kan chan a, zar dar thum chuang chu rei lo te anga kan tawngtai chur chur lai khan, Zion hla ka sa a, kha mi bak kha ka sak ka hre leh tawh lo, 1995 atanga evangelist hna thawka Kalay, Letpan, Kabaw, Homalin, Mindat, Mandalay, Yangon kan fan a, camping, crusade kan neih lai te pawh khan Zion hla thluk mawi tak tak chu a lo kal thin a, mahse, tawng hriat hla Lalpan min pekte chu ziak chhuak zelin, chung chu kan hmang deuh ber kha a nia. Zaninah erawh chuan tawng hriat lohva tawngtai bakah tingtang perhin Zion hla ka sa a, hei hian ka thlarau chu Lalpa Thlarau nen inpawlin nun hlim tak leh thlamuang, zang leh engthawl min pe a, kei leh ka chhungte tan damna leh malsawmna min pe a, rawng kan bawlsak zawng zawng tan pawh damna leh malsawmna a ni ngei ang tih ka ring tlat a. Pathian hi a va ropui tak em ve aw!

Ka hmangaih, nangmahah hian Pathian Thlarau thilpek (Thlarau Thianghlim baptisma) i chan kha a la bo lo va, i hnenah a la awm reng a, kan exercise loh avangin awm ta lo angin kan ngai thin a ni. Hei hi kan tihthar leh a ngai. Mizo kohhrante mamawh ber chu "baptism of the Holy Spirit" hi a ni. He baptisma chungchang extreme taka la/hmangtute leh chang ve lo, duh ve lotute inkarah hian a inbuk tawk chiaha Pathian duh dan ang zela chet chhuahpuina hi kan mamawh chu a ni. Tichuan Thlarauvah nun nghet kan nei chho ang a, Mizo kohhrante hi nasa takin kan thang chho dawn a ni. He rawngbawlnaah hian Pathianin kan nupa, kan chhungkua hi a ropui nan, a duh angin min hmang zel rawh se.

I tawngtaisak thin,

 I hmangaih,

Papa

(17/06/2012 2 (2:30 am)

Recent Prayer Requests

  • Kohhran Kum thar inthlanna

    Tamu Methodist kohhran chuan ni 5 Jan chhunah Kohhran dan dinglai No. 43(e) (ii): Full member zawng zawngin Stewards mi 8, Leaders mi 10 leh Kohhran aiawhte mi 10 nominate-in th...
  • Damlo Tv. Chhandingliana tan

    Tamu Methodist kohhran thalai, Tv. Chhandingliana chuan ni 23 Dec, 2013 zan khan nasa takin accident a tawk a, Imphal damdawi inah zai a ni a. Pathianin min la chelhsak avangin ...